اجرحيني لا بغيتي كان لك جرحي ابتسامه

اجرحيني لا بغيتي كان لك جرحي ابتسامه

....المهم انك تكوني يا بعد ذاتي سعيدة

روحي له الحين يالله واسمعي صوته وكلامه

....ولاتشي لي هم قلبي عيشي دنياك الجديدة

قولي انك ماعرفتي في الحياة الا غرامه

....وقولي انك قبل حبه تمشي في دربك وحيدة

ولا تجيبي لي طاري وتسمعي منه ملامه

....سولفي عنك وعنه وصيري عن قلبي بعيدة

وان بغيتيني تعالي وعوضي فيني خصامه

....وصدقين ي في النهاية انتي وحدك مستفيدة

دام قلبي من غلاتك يتفزز من منامه

....اشهد انه حيل حبك من وريده لي وريده

وكان همي بس أشوفك طايرة مثل الحمامه

....وان فرحتي كنت افرح واكسر بيوت القصيدة

كنت أشوفك في عيوني مثل زرقاء اليمامه

....وين ما قلبك يسافر كانت عيوني تصيدة

شفتي هذا الكون كله بالرجولة والشهامه

....لو بغيتيني ابيدة والله لعيونك ابيدة

كنت أحارب لاجل حبك والقوي اكسر عظامه

....وصار قلبي لك أسير وصارت عيوني شهيدة

قلبي والله من عرفتك صرت ما ادري وش علامه

....كل ماصرتي في عيني شفت نبضاته شديدة

وقدرك اللي انحنالي وقلت عز الله مقامه

....عالي قدرك في عيوني وكل ما شفتك ازيدة

انتي لو عني تغيبي صارت جروحي يتامه

....خافي الله لانويتي ولاتضحي في عبيدة

كنت اسهر من غلاتك حتى ليلي ماانامه

....وانتي مشغولة بغيري ودوم أشوفك تحت ايدة

كان ودي بس احظى بحب قلبك واهتمامه

....والشعر عنك اقوله وانتهي منه واعيدة

كنتي امنيتي بحياتي وكنتي في قلبي مرامه

....وان كتبتك في حروفي صارت القصة فريدة

صدقيني حيل احبك والوعد يوم القيامه

....ويل منهو كان يكذب وكانت ذنوبه جريدة

اتركيني لاجل عينه كان لك حبه ابتسامه

....المهم انك تكوني يابعد ذاتي سعيدة

ما أبي من قلبك الا طول عمرة والسلامه

....خلي بالك من زمانك دنيتك هذي عنيدة


ان شاء الله ينال اعجابكم

شمعه حياتي

[

تسلمي ويعطيك العافيه شمعه حياتي

ول ول يالحب من طرف واحد
من جد حقدت على البنات من اسلوب هالبنت
ول يغليها هالغلا ومو معبرته
اللله يكون بعونه
اشكرك واكرر الشكر شمعه
وياحبذا ذكر المصدر

صح لـــســـــانك شمعه حياتي ... حب من طرف واحد مصيبه وكارثه والله

يسلمووووووو الملتاع ومستشار في طب البنات علي المروررررررررر

الملتاع لا تحكم علي كل البنات ولا تظلم البنت يمكن حبها وهي ماتحبه
يمكن هو مو فتى احلامها

وكل شيء قسمه ونصيب

تقبلووووووووووووووو تحياتي

شمعه حياتي