لـيـــــــه ......؟

(( ليْه ؟؟؟))))



السلام عليكم والرحمة ::



/



كلٍ بشهر الصوم راسـل حبيبـه
....................إلاّ أنا محـروم لا راسلـك ليـه
ليه الخفوق اللـي يحبّـك تذيبـه
....................وإنت الوحيد اللي سكن في محانيه
رقمي ليا شفتـه أبـد ماتجيبـه
....................وغيري ليا شفت اتصالـه تلبّيـه
إنته كذا دايـم طقوسـك غريبـه
....................دايم تحب اتكون ياسيّـدي بيـه
مغـرور متقلّـب ولافيـك طيبـه
....................وأكبر دليل اليوم قلبـي معاديـه
أوّل اعلومـك باللـوازم امنيبـه
....................ياكم زهمت القلب قصدك تهنّيـه
اتسابـق العالـم ونـاسٍ قريبـه
....................واتكون الأول لجل قلبـي تبدّيـه
وترسل لي ابيوت ورسايل رهيبه
....................وإن لامك أهلك قلت فدوة مواطيه
والحين كل منّـا يعانـد صحيبـه
....................بالصد والحرمان والهجر والتيـه
أغراك من دس السنـا بالرويبـه
....................اللي دروب الغدر أسمـى مباديـه
باكر تـدوّر قلبـي اللـي تعيبـه
....................وتندم على مافات وتنعـي لياليـه
كم ليلـةٍ نطّيـت راس الشذيبـه
....................أصيح بِسْمك والجلاميـد توحيـه
آشاكي القمـراء وعانـي مغيبـه
....................واراقب الجوزاء من الشوق ياهيه
أصبحت مثل اللي جذب له جذيبه
....................التايه اللي شـال حتفـه بياديـه
قد قالـو اللعـاب جنّـب قليبـه
....................واحذر معاويدك اتـوارد سوانيـه
أخلصت في حبّك وروحي صويبه
....................والحمـد لله ماعليّـه مشـاريـه
قلبك عسى رب الخلايـق يثيبـه
....................وقلبي عسى الله لايخيّب مساعيه


تقبـــــــــــــلو خــــــالص تحيــــــــاتي

نواف العـتيبـــــــــــــــــــي